功德林上海素食 (北京道一號)

营业中

休息中

旅居美国嘅家姐同外籍姐夫，正值回港度假，姐夫绝少食中菜，楂筷子嘅样子好可爱兼搅笑。 同妈妈商量，都系带佢去见识多方面中菜，今次重系无肉嘅素食中菜呢！一家人陪佢去到尖沙嘴shopping完，就上去北京道嘅功德林医肚，侍应带领我地到一个临近海景位置坐落，开扬舒适。侍应递上餐前小食苔菜花生 ，味道甜中带咸，香脆惹味。点菜都唔问姐夫啦！由我话事，首先嚟嘅鸡丝粉皮配上青瓜，味道唔错，惟可惜麻酱唔够充足。 干烧虾扒西兰花，卖相一流㖞，橙红色汁液啲大虾碌，配以翠绿嘅西兰花好吸引。都听过同事讲，唔可以错过呢度嘅无锡脆鳝，咬落好脆，切粗条形炸脆，一向钟意食香脆嘢嘅我，梗系觉得好好味啦！姐夫都树起手指公呢！但都兴趣知道系咩嚟呢！侍应话系用菇类，厨师精心研究而成的。 都系甜品时间了，叫左碗芝麻汤丸给妈妈 佢话啲羌味刚好，甜度适中。原桶豆腐花又点会放过呢？真系即叫即制，所以都要耐心等候，上枱时除跟普遍有嘅黄糖外，特别嘅有清香嘅桂花糖水，呢个又系我嘅“飞佛”，咁要赞嘅梗系豆腐花嘅本身，好够滑好有豆味 ，好果唔系听日要返工，我想再等多一桶呢！ 落楼时，姐夫话想回美之前嚟多次㖞！