囍慶酒家

营业中

休息中

难得同屋企人食饭，就去啲比较静啲嘅酒楼大家聚埋一齐食饭。见到商场入面有一间叫做囍庆酒楼，就去试吓。餐厅门面开阳，而且招牌大大只字，仲系以我最钟意嘅白色为主题，华丽而且有气派。餐牌图文并茂，而且食物图片非常吸引，价钱合理，每款𩠌菜都唔超过$100，好抵食咁。另外仲有套餐餐牌选择，2人套餐至12人套餐都有，随即我哋叫咗二人套餐-$438八道菜鲜味。套餐有八样菜式，大多数以海鲜为主。不得不赞当中嘅红烧开边乳鸽，外皮烧得好香脆，而且每一边乳鸽都好多肉，特别鸡髀位置肉质鲜嫩，而且好够味。海鲜方面包括有椒盐九节虾、豉汁蒸先元贝同埋劲蒜蒸桂花蚌等等。椒盐九节虾炸得香脆可口，虾壳面铺满椒盐，就咁用口剥虾壳连带埋虾肉一齐食，更加入味同埋滋味。食到咁上下，要叫食啲蔬菜嚟清一清肠胃。金银蛋浸菜苗好大碟，入面有咸蛋黄、蔬菜同埋木耳等，饮一啖汤好清甜，蔬菜新鲜入味。而且汽水同埋甜品多款选择，套餐中中附送一酌椰子水或者橙汁，食完呢餐饭饮几杯橙汁更加满足。