影片
更多
2015-11-09
688 浏览
珍宝龙虾仔牛角酥配薯条(set，跟饮品 $128）喺大坑京街有一间西餐厅，司令认为非常值得推介，叫做The Pudding Nouveau。今次司令试左两个set，一款甜品，司令就觉得每样都需要同大家分享一下。讲左第一样热食先，就系珍宝龙虾仔牛角酥配薯条。首先唔理有冇薯条，司令见到龙虾仔牛角酥已经好吸引。 味道方面，满满既龙虾仔捞埋蛋白酱，再配上生菜同生蕃茄，未食都知好味，再配埋牛角酥。无论系口感定味道上，都变得丰富左。口感上层次分明，龙虾既弹牙，牛角酥既松脆同埋菜既爽口，格外调和。而味道上，大家既味道配合一齐，似系一场大演奏咁，少左任何一样食材都唔得！虽然食牛角酥会食到人「呢咁hea」，但为左美食，牺牲少少食相又有咩好怕wo!😆而薯条方面，炸得酥脆金黄，系司令最爱既脆度！😏配薯条既sauce， 带一点黑松露既香气，每食一啖，个口都好香，又唔腻，绝对有幸福既感觉😍😍成个菜简直系司令大爱！P.S. 司令觉得份量都几大，细食既女仔可以同三五知己share食咁就唔洗做大嘥鬼喇！轮到第二样热食，就系法式油浸鸭腿配窝夫。窝夫呢样野，司令通常都系食甜品个时先大派用场，配生果、配雪糕呀！但呢度竟然用
珍宝龙虾仔牛角酥配薯条(set，跟饮品 $128）
喺大坑京街有一间西餐厅，司令认为非常值得推介，叫做The Pudding Nouveau。今次司令试左两个set，一款甜品，司令就觉得每样都需要同大家分享一下。
讲左第一样热食先，就系珍宝龙虾仔牛角酥配薯条。首先唔理有冇薯条，司令见到龙虾仔牛角酥已经好吸引。 味道方面，满满既龙虾仔捞埋蛋白酱，再配上生菜同生蕃茄，未食都知好味，再配埋牛角酥。无论系口感定味道上，都变得丰富左。口感上层次分明，龙虾既弹牙，牛角酥既松脆同埋菜既爽口，格外调和。而味道上，大家既味道配合一齐，似系一场大演奏咁，少左任何一样食材都唔得！虽然食牛角酥会食到人「呢咁hea」，但为左美食，牺牲少少食相又有咩好怕wo!😆而薯条方面，炸得酥脆金黄，系司令最爱既脆度！😏配薯条既sauce， 带一点黑松露既香气，每食一啖，个口都好香，又唔腻，绝对有幸福既感觉😍😍成个菜简直系司令大爱！
P.S. 司令觉得份量都几大，细食既女仔可以同三五知己share食咁就唔洗做大嘥鬼喇！
轮到第二样热食，就系法式油浸鸭腿配窝夫。窝夫呢样野，司令通常都系食甜品个时先大派用场，配生果、配雪糕呀！但呢度竟然用窝夫嚟配鸭脾，司令真系第一次咁食。
窝夫外脆内软，本身有轻微甜味，再配上附上既蜂蜜，系甜品无疑！但神奇既系，配上鸭脾同蛋汁，意外中既配合，天衣无缝！如果配既系饭或意粉都绝对唔会比窝夫更适合。鸭脾方面，由于要配窝夫食可能会对食开淡味既朋友嚟讲偏咸，但司令都接受到！鸭脾因为以油浸方面去煮熟，所以外表唔会干，香脆但又有肉汁，肉质嫩而鲜美。而且因配合蛋汁，令口感更加湿润，并唔会因为配埋窝夫觉得口干。非常特别既一道菜，两款热食都正中司令下怀，无论口感上定味道上，司令都难以挑剔！
饮品方面，每一个set，可以跟一杯饮品，司令叫左杯青柠薄荷梳打同抹茶奶昔。
Fresh lime mint soda
酸酸既青柠配上薄荷同梳打，十分之配合。每饮一啖，先嚟既会系青柠酸酸既味道，然后会淡淡喺口腔散发出薄荷既香气，十分清新。
抹茶奶昔
淡淡嘅抹茶奶香，上面再配上一球抹茶雪糕，两者非常配合得天衣无缝，整体不会过甜，茶嘅微涩仲可以带走食物嘅油腻。司令觉得即使系平时唔太爱抹茶嘅人都会喜欢。
由于本身饮品都有好多选择，司令下次去一定要试埋咖啡同茶。因为茶类十分之吸引，而且餐厅内有淡淡既咖啡香，相信唔会差既！
甜品方面，tiramisu本身司令，唔太识欣赏，因为好多tiramisu手指饼浸完咖啡后既口感太淋，司令觉得唔太讨好。
但呢度既tiramisu如众不同，不但同传统既tiramisu唔同，同埋佢竟然冇个种一咬就淋既感觉，全因为呢度系手指饼系自家制，多左一份牛油香。而且本身蛋糕方面标榜系用意大利鸡蛋做出嚟既，特别香浓同creamy，颜色方面都比其他更黄更深色！ 配合云呢拿雪糕同埋饼干脆脆，加埋淡淡咖啡香，非常好味同有口感！搞到平时唔好tiramisu既司令都唔觉意食晒！而且食完个tiramisu，司令更加想试下佢地既咖啡。
P.S. 想试既朋友，建议早啲食。因为餐厅位置较少。司令当时晚上七点零四分，已经完全坐晒！
张贴
