肚餓了串燒烤焗專門店 (已結業)

三友今次黎到尖沙咀亚士厘道既肚饿鸟揾食，见开饭既好评如潮，当然要黎会一会佢！当晚订左9点钟，店内依然好热闹，得一至两枱吉枱而已！店内既装修好用心，全部都系木枱木凳，加上昏暗既灯光，感觉可以好放松，可同朋友呻所欲言咁！坐低后立刻开始睇餐牌点菜了，因为三友真的肚饿鸟！今次点左超多多多碟，有泰式生虾（$68），鸡皮串（$16），汁烧冬菇（$22）， 四式烧蚝（$108），西班牙黑毛猪件（$58），四式烧扇贝（$108），芦笋烟肉串（$32），安格斯牛柳粒（$78），川味牛丸（$18），汁烧翠玉瓜（$20），牛油烧粟玉（$22），汁烧鲍鱼（$88），烧鳗鱼（$38），破壳肚饿鸟（$168）及人人都赞既黄金薯条（$52）！至于饮品方面，我就点左Honey beer!饮品好快就到啦，即刻干杯庆祝下星期四先！呢支Honey beer 味道较淡，适合平常少饮酒既人，而且加入蜜糖，十分易入口！大概5分钟，食物就开始上枱啦！先黎既系泰式生虾，生虾好新鲜好弹牙，加上泰式辣酱，十分开胃！之后粟米同冬菇上场！粟米既份量认真多，店员落单时都有提醒此为1条份量！好彩无多点！粟米味道虽然唔够甜，但烧得刚刚好，每粒都好