影片
更多
2022-08-15
520 浏览
🥢 沙田围呢个地方唔系住沙田附近其实根本就唔会入去，但系今次去食一间越南嘢，我真系好推荐沙田朋友仔，甚至唔系住沙田嘅人都可以去试一试 👍🏻 首先讲一讲餐厅外墙嘅壁画话得非常之精致，离远见到都会比呢一幅色彩缤纷嘅壁画吸引而走埋去望下餐厅嘅Menu，餐厅里面嘅员工都系非常友善，而且好细心，店员见到枱面有水会帮我哋抹抹，见我哋两个人入去食饭会主动问我哋使唔使比两个碗分𩠌 ⏳ 上菜速度系极速咁快，好有效率，野饮饮左第一啖啲主菜小食已经陆陆续续黎到，而且卖相都绝对唔系Hea你，餐厅都有花心思去做 ✨ 芝心虾多士钟意食香口野嘅朋友呢个真系啱晒你，呢个虾饼非常之脆而且面头仲有芝麻，一咬落去里面有细细只鲜虾，虾蓉，最邪恶最邪恶就系流心芝士，咬落去听到非常趣嘅格格声，而且仲非常之热，绝对即叫即制！ ✨ 脆皮鲜牛腩呢度菜好新奇，因为好少见到餐厅系会做炸牛腩，个炸皮做到非常之有油炸鬼嘅感觉，但系中间馅料就变咗牛腩，牛腩都几入味，成个小食唔会太油腻，原来牛腩都仲有咁多新玩法 ✨ 越式烤猪颈肉汤河粉佢汤河粉个汤底做得好浓好入味，睇得出餐厅好用心咁熬制个汤底，员工话汤底无用味精，系用药材同鸡壳熬制而成，所以特别
👍🏻 首先讲一讲餐厅外墙嘅壁画话得非常之精致，离远见到都会比呢一幅色彩缤纷嘅壁画吸引而走埋去望下餐厅嘅Menu，餐厅里面嘅员工都系非常友善，而且好细心，店员见到枱面有水会帮我哋抹抹，见我哋两个人入去食饭会主动问我哋使唔使比两个碗分𩠌
⏳ 上菜速度系极速咁快，好有效率，野饮饮左第一啖啲主菜小食已经陆陆续续黎到，而且卖相都绝对唔系Hea你，餐厅都有花心思去做
✨ 芝心虾多士
钟意食香口野嘅朋友呢个真系啱晒你，呢个虾饼非常之脆而且面头仲有芝麻，一咬落去里面有细细只鲜虾，虾蓉，最邪恶最邪恶就系流心芝士，咬落去听到非常趣嘅格格声，而且仲非常之热，绝对即叫即制！
✨ 脆皮鲜牛腩
呢度菜好新奇，因为好少见到餐厅系会做炸牛腩，个炸皮做到非常之有油炸鬼嘅感觉，但系中间馅料就变咗牛腩，牛腩都几入味，成个小食唔会太油腻，原来牛腩都仲有咁多新玩法
✨ 越式烤猪颈肉汤河粉
佢汤河粉个汤底做得好浓好入味，睇得出餐厅好用心咁熬制个汤底，员工话汤底无用味精，系用药材同鸡壳熬制而成，所以特别鲜味，河粉嘅质地非常之滑，唔会太硬唔会淋，渌得啱啱好，里面当然唔少得有芽菜，芫荽，洋葱呢啲传统嘅越南配菜，猪颈肉切得好薄，唔好睇佢好似好浅色，其实腌制得非常之入味，虽然切得好薄但系依然有咬口，冇乜肥膏唔会太大罪恶感
✨ 荔枝沙冰
杯荔枝沙冰好大杯，用加配嘅价钱$12就饮到其实真系好抵，性价比极高，荔枝味好重，非常之清新，冰冻，行到去餐厅觉得好热饮一杯荔枝沙冰简直系天堂般的享受，而且佢唔会话融左之后变咗好淡，全杯都系咁浓咁新鲜
✨ 鲜椰青
椰青系落order之后店员即刻劈出嚟嘅，保证新鲜，椰汁非常之香甜里面亦可以食到椰子肉，如果钟意饮椰青嘅你一定唔可以错过，椰青配上越南菜真系一个几好唔错嘅配搭
张贴
