滿屋日本料理 (大埔超級城C區)

营业中

休息中

今日同朋友去大埔試下呢間人氣放題，聽聞啲食物幾新鮮同幾多種類，性價比高，踩完單車去一試究竟。自助區有前菜、湯類、熟食……飲品種類很多，更有自助清酒，岩洒中意飲清酒既我。雪糕更有haagen dazs! 另外掃qrcode手機落單，送菜速度很快，份量亦比足！由於食物種類繁多，今次就揀幾款我覺得黎到必定要點既款式1. 刺身類別，各款都好新鮮少少雪味同腥味都無，朋友對腥味好敏感但係呢度食到停唔到，帶子同甜蝦非常新鮮，大家黎呢度都唔使諗食邊款刺身，隨便點都唔會中伏。2. ⁠西京比目魚-食完刺身要食下啲熟食，呢款西京比目魚十分驚喜，個人覺得仲好食過好多西餐廳，份量唔大份都唔使驚食完會飽晒食唔落其他野，而我同朋友係足足叫左3份黎食都未夠喉，奈何要留肚食其他野3. 手卷系列-呢度有海膽手卷岩晒口味，仲有三文魚子同吞拿魚蓉手卷，每次叫完見到一板一板咁上菜見到都興奮，而且同刺身一樣一啲都唔腥，必點！