Olive Cafe (已結業)

连日工作上的拼搏，总要稍作小休充电，食嘢就系我嘅加油站😜！今日我又约咗朋友去大埔Olive Cafe试试新菜式。Olive Cafe 在大埔超级城开张多年，主打欧陆菜式，今次决定「走进去」，只因见到店舖挂起一张巨型海报，推介炭烧美国牛扒，望到都垂涎三尺！餐厅布置得时尚简约，枱与枱之间有一定距离，座位亦大多是非常宽敞嘅卡座，环境舒适。店员安排我地坐近窗边位置，可以望向熙来攘往的街景。 经典凯萨沙律薄片芝士、烤面包粒、烟肉粒同罗马生菜，配上蛋黄沙律酱，作为头盘非常醒胃！ 香煎蟹饼配刁草芥末酱外层煎得金黄色，切开内层是一丝丝鲜甜嘅蟹肉丝，可说是蟹肉蛋糕😆 主菜炭烧美国极佳牛扒30oz prime rib steak 🥩 今次叫咗七成熟，仲有少量血水流出嚟，牛油脂分布得好平均，块牛扒好厚身，肉质嫩滑而牛味浓郁，同时份量十足，足足有成30盎司呢！今次真系食到停唔到口，值得推荐！ 白汁菠菜焗蚝生蚝新鲜大只，芝士味浓郁，味道同菠菜配搭得宜。 苹果芝士蛋糕及柚子芝士蛋糕至于甜品方面，拣咗苹果芝士蛋糕同埋柚子芝士蛋糕。苹果芝士蛋糕卖相吸引，蛋糕面的牛油脆脆香脆可口，质感似足Apple Crumble。