翡翠拉麵小籠包 (已結業)

今日放工落大雨，近近地就系office附近既翡翠拉面小笼包食晚餐！因为好钟意食上海菜，呢间翡翠既食物又几好味，而且近公司，所以都时不时黎食野！今次因为都几肚饿既关系，于是想挑战呢度既红烧蹄膀，即系熏蹄！ 问过侍应，呢个𩠌系即叫即整，所以要等45分钟先有得食⋯侍应话熏蹄既size都几大，所以两个人食既话，唔需要叫太多野食！ 于是，我地另外叫左一笼小笼包。一如以往，一咬开热辣辣既小笼包，皮薄，入面有好多鲜甜肉汁，好食！ 雪菜毛豆百页可以话系上海菜既特色之一。呢度既雪菜咸咸地，和偏淡既百页毛豆配起来刚刚好。之前试过系另一间老字号食呢味菜，咸到不得了@@，好重口味！ 最后期待已久既熏蹄终于上场。虽然已经有定心理准备几大份，但当我地见到既时候，都不禁哗左一声！因为真系大得有d跨张。我之前都食过熏蹄，大过块面咁多既都系第一次见！咩猪蹄原来有咁大只！侍应帮我地切开一份份，香气扑鼻！试一口，猪皮已经谂到入口都唔使点咬就吞得，猪肉都系非常之谂！好喜欢！好似食左好多胶原蛋白咁！份量其实足够4-5个人食架！呢个价钱真系抵食又好好味！推介！最后，我地两个人当然食唔晒要打包！好好味既晚餐！为纳闷既下