第二街餐廳 (已結業)

朋友新居入伙，一行四大一小去试吓朋友推介大件夹抵食嘅锯扒西餐.我地柯打咗两份五成熟的肉眼扒配薯菜，一份三文鱼扒加一份西冷牛扒，仲有朋友推介必试罗宋汤！个罗宋汤真系好正，有辣辣Tabasco 配上香浓蕃茄，仲有三块牛腩肉系汤里！我哋份肉眼扒大到好夸张，足足成块面咁大，仲要系成吋厚！薯角条条香脆，热辣辣而牛扒我觉得煮得比我要求较生，但最值得一赞系个肉汁，好浓牛肉味配上牛油洋葱的香味！朋友的三文鱼扒同样出色，成吋厚，焗得皮香肉脆！我哋都胞到抱住个肚！