炑八韓烤 (彩明商場) (已結業)

炑八韓烤係香港有好多分店，將軍澳呢間係最近新開。見到新menu厚切帶骨肉眼套餐$498包含一塊厚切帶骨肉眼、醬油五花肉、大墨魚、梨汁雞翼、豬皮同蔥蒜牛五花。首先有一份沙律前菜，仲有韓式小碟包括泡菜、芽菜、海帶，除左沙律外全部都可以無限refill，另外，泡菜爐邊蛋同粟米芝士味道都非常好，芝士控一定鐘意，都係可以無限refill！主角係大過手掌嘅厚切帶骨肉眼，真係幾大分量十足，肉味濃郁而且口感鬆軟，連骨位置肉味更加濃。值得推介係烤豬皮，原來烤後豬皮係外脆内軟，非常有嚼口好特別，每一口都充滿骨膠原，岩晒女生們。另外叫左杯柚子檸檬梳打。