端記茶樓

营业中

休息中

今日一早7点11度C,老婆话要去端记，咪坐小巴去，首先去之前都知道不要对食物有任何期待。7点半左右去到，都已经有几台客人食紧，到8点半已经8,9成，系咁位置平日都有咁生意，好多市区餐厅都无咁好。环境就系传统郊外茶楼，但都算干净。服务一定无投诉，因为除左埋单，其他都系自助，哈哈。另外，要揾多间都吾容易，所以比高小小分啦食物味道比较淡，连斋肠个酱都吾同平时食咁重味。食物质数就—吾可以同市区酒楼比较，因为来哩度都系食乡村味，要比较只有同旁边的彩龙比较。— 所有肠粉粉类都系好似吾熟咁，好 ”sher”同黐口，— 牛肉d腐竹好干好硬。— 所有细蒸笼都系吾热，如果想食热辣辣的点心，自己就要留意几时系厨房有野出。最后埋单睇到有张有客人话过期的餐牌，哈哈，果然够怀旧。