影片
更多
2004-12-14
15 浏览
唔好比个名吓亲, 唔系校友都可以帮趁. 格局同一般中餐馆差唔多, 可能地方唔大既关系, 比较清静.先黎杏汁白肺汤, 奶白色既汤, 杏仁味无想像中咁浓, 唔会太霸道, 仲饮到其他材料例如白菜既味. 猪肺亦都好滑, 对唔住都要讲句: 正过屋企果d㖞~~云腿鸽片虽然卖相麻麻, 但云腿咸香惹味, 鸽片与草菇同炒, 亦都好好味, 极速清碟.炒仓鱼球要预订, 唔好问我点解有咁大条仓鱼, 我净系负责食架唧. 鱼起肉炒球之后, 竟然都仲算嫩滑, 但完全无炒烂, 在座有唔多钟意食鱼皆因怕骨者(我系其中之一), 著实食得非常高兴. 鱼身连骨部分就拎去炸, 香口唔油腻, 又系好食.榄仁虾球系比较失色既一味, 虽然榄仁松化, 但主角虾爽得黎无乜鲜味.古法盐焗鸡又系要预订, 上台之后我地仲要再三确认, 因为横睇掂睇都似炸子鸡. 其貌不扬, 但鸡肉比想像中嫩滑, 有咸味但唔会过火, 赞~~ 不过在座有人话得龙既太爷鸡仲好味㖞......咕噜肉炸得几脆, 但唔系包层厚粉去炸果只, 个汁亦都唔会酸到令人呛喉, 但我自己就嫌唔够浓味.荷叶饭唔记得驶唔驶预订, 饭粒炒得粒粒分明之余仲有少少湿润, 荷叶味都有少少既~~由于
先黎杏汁白肺汤, 奶白色既汤, 杏仁味无想像中咁浓, 唔会太霸道, 仲饮到其他材料例如白菜既味. 猪肺亦都好滑, 对唔住都要讲句: 正过屋企果d㖞~~
云腿鸽片虽然卖相麻麻, 但云腿咸香惹味, 鸽片与草菇同炒, 亦都好好味, 极速清碟.
炒仓鱼球要预订, 唔好问我点解有咁大条仓鱼, 我净系负责食架唧. 鱼起肉炒球之后, 竟然都仲算嫩滑, 但完全无炒烂, 在座有唔多钟意食鱼皆因怕骨者(我系其中之一), 著实食得非常高兴. 鱼身连骨部分就拎去炸, 香口唔油腻, 又系好食.
榄仁虾球系比较失色既一味, 虽然榄仁松化, 但主角虾爽得黎无乜鲜味.
古法盐焗鸡又系要预订, 上台之后我地仲要再三确认, 因为横睇掂睇都似炸子鸡. 其貌不扬, 但鸡肉比想像中嫩滑, 有咸味但唔会过火, 赞~~ 不过在座有人话得龙既太爷鸡仲好味㖞......
咕噜肉炸得几脆, 但唔系包层厚粉去炸果只, 个汁亦都唔会酸到令人呛喉, 但我自己就嫌唔够浓味.
荷叶饭唔记得驶唔驶预订, 饭粒炒得粒粒分明之余仲有少少湿润, 荷叶味都有少少既~~
由于大家尚有食力, 所以追加两味, 包括有人听讲好好食既鹧鸪粥, 同埋侍应推荐既生炒糯米饭. 阿姐听到我地点鹧鸪粥, 有d愕然, 我地不以为意, 食果阵个个都唔觉个「粥」有米响入面, 先至恍然大悟----原来呢个系汤羹黎架! 怪唔得阿姐觉得奇怪啦, 呢班友仔食完饭先走去叫个汤! 之但系个「粥」真系好香好好味, 质地好似糊仔咁, feel到好足料, 正~~
生炒糯米饭我无食, 据报唔够干身, 桃花园果个好食d咁话.
服务方面都ok, serve我地果位阿姐几得意, 讲野比较粗声粗气, 初时觉得佢几凶,后来发觉佢大声唔代表无礼貌, 其实都几合作, 但好钟意擅作主张将剩番既菜夹硬塞比坐得最近既人, 哈哈~~
埋单每人$220, 讲真唔平, 但我自己认为都值.
张贴