日常素食 (已結業)

今日同家人嚟呢间食素，未入场前见到环境好大陆装修，本来完全不抱任何期望，估唔到食物大部分都好味。买咗open rice coupon 晚餐每人99蚊，用app买信用卡俾钱，但到餐厅后每人要俾多16蚊，每人盛惠115蚊。open rice买优惠券后，要打电话去订枱，阿姐话限时食2个钟，但6点开场最多款最多嘢食，到8点就已经无乜食物出，于是我哋决定6点正就入场。炒菜＆蒸糕：几好味，食物好够热，最值得食系咕噜肉，淮山炒莴笋，蒸松糕，有白色同紫色，但其实系同一只味，类似米糕咁，几烟靭。之后有只黄色姜黄糕无试，好似都不错。酸斋：一般，斋叉烧好味炸物：一般饮品：热普洱茶、热罗汉果水、鸡骨草、水、橙汁汤羹＆糖水：冬瓜汤、五香素羹(类似碗仔翅)、红豆沙、姜醋蛋沙律：有少少生果，仲有啲腌青瓜酸菜刺身类：蒟蒻制既刺身，有色素唔太好味五谷：白饭、白粥雪糕：有2款，云呢拿、豆腐，但味道好人工，每款浅尝一口后果断放弃总结：大部分食物都好味，但晚餐要准时入场先食到多款，下午茶平啲，如果有呢啲食既话可能仲抵服务：食完要自己收餐具，自助服务