板燒郎燒肉鐵板放題料理專門店 (已結業)

㖊晚同朋友试左呢间位于佐敦裕华国货附近既板烧郎日式烧烤放题食饭，整体表现中上，价钱系大约$200 - $300。首先讲下价钱，星期六7点至9点价钱系$249加1，另外如果想坐房就每人加$20，加多$88就有任有生蚝、拖罗、鲍鱼等。 如果加哂上面既价钱，total 每人 $392.7，同出面既平价酒店自助餐价钱相若，当然，你可以唔加个$88啦。其次，食物方面，有惊喜既，例加左$88先送既汤、鲍鱼、生菜包饭、一口牛等等都几好食，特别系鲍鱼，系意料之外既好食，可以一试。不过比较失望系生蚝同带子刺身，两者共通点都系冇味，生蚝食落去仲有冰有壳，可以唔洗试。最后想讲下服务同环境方面，员工态度良好，以放题餐厅黎讲好罕见，多数出面啲放题餐厅侍应生个个做到好炆，呢样好难得。可惜漏单情不缺，上菜较慢，需要改善下。我地加左$20坐房，入左房系静啲，倾计会方便啲，不过坐得唔算太舒适，如果唔怕噪其实可以悭番。大家如果想试，记得要订座，如果唔订有排等。