影片
更多
2015-11-11
825 浏览
呢期唔知搞乜，个个同事都钟意fine dining，我呢个食开茶记既大乡里，食个韩式都牙痛咁声，梗系俾佢地耻笑啦。我份人又无乜所谓既，不过睇佢地啲相，卖相又几唔错，于是有啲心郁，但又唔舍得食，结果……竟然有同事用我个名book左呢间餐厅 (喷)"放心啦！好好食架。" 如果唔系见啱啱出粮，我真系淆淆地。去到餐厅，哗，几grand㖞，心谂系咪要打返条tie先准入去。入到去坐底左，见个个又红酒又白酒……死啦，识条铁咩，望住个餐牌，完全无头绪，仲好期待希望有一页会出现"炒粉面餐"。个waiter终于走埋来开口问，我有啲唔好意思，细细声喺佢耳边讲: "其实我第一次fine dining，咩都唔识，不如……你帮我揸主意……" 佢对住我冷笑左声，然后走开左，喂哥仔，咁即系点呀？隔左一阵，开始有野食，首先来左客包，好松软，个牛油又几特别㖞，好香好浓味，仲想问佢喺边间超市入货，佢就主动话，系自家制黑松露牛油。哗，好彩无开口问。之后来左个带子芝麻沙律，从来无谂过带子可以夹芝麻酱食，带子好鲜味，同芝麻酱出奇地夹。跟手来左只太平洋生蚝，完全有种喺海边边捉边生食既新鲜味！可惜唔系食放题，如果唔系我肯定会写个"
呢期唔知搞乜，个个同事都钟意fine dining，我呢个食开茶记既大乡里，食个韩式都牙痛咁声，梗系俾佢地耻笑啦。我份人又无乜所谓既，不过睇佢地啲相，卖相又几唔错，于是有啲心郁，但又唔舍得食，结果……
竟然有同事用我个名book左呢间餐厅 (喷)
"放心啦！好好食架。" 如果唔系见啱啱出粮，我真系淆淆地。
去到餐厅，哗，几grand㖞，心谂系咪要打返条tie先准入去。
入到去坐底左，见个个又红酒又白酒……死啦，识条铁咩，望住个餐牌，完全无头绪，仲好期待希望有一页会出现"炒粉面餐"。
个waiter终于走埋来开口问，我有啲唔好意思，细细声喺佢耳边讲: "其实我第一次fine dining，咩都唔识，不如……你帮我揸主意……"
佢对住我冷笑左声，然后走开左，喂哥仔，咁即系点呀？
隔左一阵，开始有野食，首先来左客包，好松软，个牛油又几特别㖞，好香好浓味，仲想问佢喺边间超市入货，佢就主动话，系自家制黑松露牛油。哗，好彩无开口问。
之后来左个带子芝麻沙律，从来无谂过带子可以夹芝麻酱食，带子好鲜味，同芝麻酱出奇地夹。跟手来左只太平洋生蚝，完全有种喺海边边捉边生食既新鲜味！可惜唔系食放题，如果唔系我肯定会写个"50"落去。
之后来左个石锅，咦，唔通系韩式石锅饭？大乡里果然系大乡里，原来，入面系煲汤，红色㖞，咁大煲罗宋汤？"呢个系龙虾汤，用左原只龙虾头去淆几个钟，所以好浓味。" 我都忍晤住要耻笑我自己，呢度高级餐厅来架，罗乜春宋汤呀。
活龙虾石锅浓汤
15 浏览
0 赞好
0 留言
之后个火炙三文鱼加三文鱼籽，竟然系外脆内软。我明白"好鲜味"呢个term出现得太多次会惹人反感，但对唔住，认真地，我真系要讲多次，真系好鲜味 半生熟既特别口感，已经唔能够再同平价放题去比较，食过你就知。
waiter话就来到主菜，所以要清一清味蕾，我真系第一次听呢个理由，haha。青柠雪芭，雪芭下面有青苹果粒，谂起都酸，但食落又ok wor，清清甜甜咁。之前果几味真系几浓味，用呢个方法隔一隔，果然系高级餐厅，铺排都细心啲。
主菜来喇！系西班牙黑毛猪，正准备手起刀落之际，俾个waiter截住左……下，今次又点玩法？
西班牙黑毛猪
16 浏览
0 赞好
0 留言
ok，搞gag完毕。好切系真既，但个猪既肉地好适中，原来猪都有肉汁，加埋少少油，咀入面个感觉好丰富，好香口。加埋个黑松露烧汁，ok wor唔咸，完全升哂呢。配菜个薯蓉原来都有来头，上面配上香草+蛋黄酱，好食到完全停唔到口。任何野始终都有尾声，由一开始未入餐厅担心到有啲紧张，一路食一路乡里式赞叹，再到左最后的甜品，竟然有少少唔舍得。Homemade Dessert系流心奶冻+红莓挞，红莓唔酸仲几甜，个奶冻更加系惊喜，生果都有得流心流出来，有创意又有心思。
都系果句，食过你就知，fine dining一生人真系点都要食一次，喺Otto食，绝对值得。
张贴
