潮福蒸氣石鍋 (已結業)

蒸氣海鮮已經興左一段時間，今次才第一次食真係大鄉里，已聽過潮福呢間火鍋店好耐，終於有機會一嘗蒸氣海鮮，店內每枱都有一個竹塔，枱與枱之間有足夠空間坐得非常舒服，收銀旁有擺放海鮮既缸入面d海鮮都幾新鮮，店員好殷勤介紹海鮮，又會建議份量，蒸煮食物亦有專人服務你，非常貼心。最後叫左幾款海鮮加龍躉蒸飯，海鮮有南非龍蝦、蘇格蘭蟶子皇、蕃薯蜆、珍珠蜆、蘇格蘭元貝、韓國象拔蚌仔，其實每樣海鮮都好新鮮，但特別一讚係兩款蜆係完全一粒沙都無，仲要好鮮甜，珍珠蜆雖然細細隻但係係最好食，仲要爆汁添，另外南非龍蝦都啖啖肉，所有海鮮都無預先調味，只係有部分有加少少蒜蓉，咁先可以食到海鮮最原本既鮮味