Timber

营业中

休息中

朋友介绍来到尖沙咀呢间新开嘅楼上酒吧，店面都算几大而且楼底颇高，加上有个落地大玻璃窗户，感觉开扬舒适。另外酒吧设计走型格路线，里面更有飞镖、气垫球同有大量酒game嘅电子游戏枱，有咁多设施唔驶斋饮咁dry!餐牌上有五花八门嘅cocktail款式，而且仲要唔系出面常有个几款，好多都好有特色，就好似我叫左呢个oh la la，系店内主打之一，饮落好香热情果味，又唔会太甜味道好fresh!Cloud Breal Zinfandel 店员介绍呢款红酒比较易入口，果然饮落味道唔会太呛，但系又有淡淡果甜嘅after taste，可能太易入口唔觉意好快就饮晒。Pale Clouds Sauvignon Blanc由于杯红酒太好饮，所以就决定再追加呢杯白酒，呢杯同样易入口，味道偏酸。店内另外仲有供应三款小食: 炸虾丸、鸡翼及薯角，啱晒送酒食，其中最钟意呢度嘅炸虾丸，做得弹牙而且炸粉又唔会太厚。