涮香菜園

营业中

休息中

之前同屋企人成日帮衬旺角新世纪中心的大食代，多数都是食呢间，大大锅抵食又好味，食到咀都麻，但同屋企人食得好开心!所以去开通常食呢间，48蚊左右就食到一锅。呢日去开尖沙咀，同妈咪同行，佢就无食过呢间，见到中港中心有分店，就即兴同佢食呢间，点知妈咪仲遇到2位同乡，同佢地吹水吹左好耐，认真搞笑。但价钱好似已经去到50蚊一锅起，我都依然系选食牛，一锅选肥牛，另一锅选牛，两款都好食，等妈咪可以一次过试晒两款牛。辣度可以选，但本身汤底已经有辣的黑胡椒、花椒等，我们都是选少辣，因为少辣都会几辣下。由于份量多，米线就会食食下会变淋身少少，但依然好滑，我同屋企人都钟意食。出餐都算ok快，如果繁忙时间就要等耐啲，好在今次好快就食得。啲肥牛和牛都食到牛味，所以真系几好食，又辣得过瘾。妈咪第一次食都赞好味同抵食，话下次叫我再带佢去食㖞!我们就无加野饮，自己买左菊花茶解辣，哈哈。