大門拉麵 (屯門市廣場1期)

营业中

休息中

行完屯门市广场，又睇埋戏，经过见到呢间「大门拉面」好多人排队，价钱合宜，都几吸引，所以选择晚餐食呢间，我地点左两个拉面及两款小食。餐厅除了有拉面、沾面，仲有好特别的油面（捞面），口味有猪骨鱼介、黑蒜、鬼门（辣）。大门特制拉面有味玉、叉烧、紫菜、笋、葱……味玉好入味，蛋黄流心好浓郁；叉烧厚身软腍，肉味浓脂肪香，入口快要溶化，汤底加鱼介，特别香浓带鲜，拉面较硬身，系我钟意嘅口感，都挂到汤汁。大门油面好有特色，系捞面黎，本身个酱汁都好惹味微辣好香，再拌匀温泉蛋，蛋汁令面更香滑。仲可自由加入醋、蒜蓉、辣油、美奶滋……醋可消腻又开胃，蒜蓉超香，辣油刺激食欲，美奶滋好正，多食法又好味，好玩。明太子玉子烧好厚身嘅蛋卷，松软多汁，富有蛋香，唔甜的，系微咸口味，配咸鲜微辣明太子，味道更提升。日式炸鸡份量几多，有5大件，即炸好热辣辣好香脆，鸡肉保持弹性，又有肉汁，味道几好。