駿景軒

营业中

休息中

终于到咗月头，可以同朋友食餐好嘅，知道湾仔骏景酒店有间餐馆好出名，特登去试吓，交通尚算方便地铁站一出行7分钟就到，餐厅位于酒店装修同埋格局都好有气派，我哋被安排坐喺二人枱，之后我哋开始点餐，首先嗌咗黑松露手撕鸡，开胃菜师傅把炸子鸡撕开一条条，加上黑松露嘅香气，简直系冇得弹，之后有我最钟意食嘅拔丝咕噜肉，用咗麦芽糖去调甜味将咕噜肉度包住，简直系恰到好处，而且师傅将猪肉炸得好香脆，咬落去唔会太油腻，仲有炸蟹钳，份量非常足够，而且咬落去啖啖肉，亦都系今晚水准之一，最后点左安格斯牛肉炒饭，炒饭粒粒分明，加上安格斯牛肉配上师傅嘅酱汁简直系冇得弹系我食过最好食嘅炒饭，加上用沙㶽上菜令到炒饭更加香口，总括而言呢间餐厅水准服务都好高，下次可以再试吓其他菜式。