玄鮨 (已結業)

今日老母忽然豁达，带我去左位于铜锣湾Cubus 7楼既玄鮨。上网睇先知道餐厅连续五年获得米芝莲推介，今次真系大开眼界。连筷子都印咗餐厅嘅名字，果然米之莲餐厅对任何事情都系一丝不苟。Lunch Set 总共有十款，我点既系Sashimi Lunch，母亲拣左三色丼。三色丼套餐包埋茶碗蒸，入面好足料，至少有三粒蚬肉、菇、白果同猪肉，口感顺滑。三色丼既三色指既系海胆、三文鱼籽同吞拿鱼蓉。海胆有两排左右，入口即融，浓厚鲜味慢慢喺口腔散发，超幸福。三文鱼籽超大粒同鲜甜。吞拿鱼蓉特别幼细香滑，软绵绵的口感真系难以抗拒。至于sashimi lunch 一开始会有两款迷你前菜。牛蒡丝少少辣几爽口。我既Sashimi Lunch终于嚟啦！ 中间厚切肥美既拖罗当然最抢眼，入口即化。其他刺身亦不容忽视，例如象拔蚌、吞拿鱼等等，全部都非常新鲜。多款刺身犹如构成一幅画，非常和谐。三色丼套餐仲有冷荞麦面。荞麦面嘅颜色特别深绿，充满韧劲。最后就系䄂子雪糕，感觉好清新，质感出色。对我而言，今次可谓deluxe嘅体验，希望将来能够有能力请返老母！