京都薈

营业中

休息中

又系时候食大闸蟹😍，前排去咗京都荟谂住试下大闸蟹放题，一上到见就见到好多客人拆紧蟹，都系食放题，可能蟹公未系时候，所以我哋就转食套餐，优惠价 $598，包茶芥加一，四只蟹乸，都算抵食，又可过下大闸蟹瘾🤭🦀清蒸大闸蟹(4只）约三两重，每人两只，都多膏🫶，蟹乸关系硬膏比较多，不过都好甘甜，蟹肉鲜甜，蘸上蟹醋更加正😋🫕滋补炖汤（2位）原盅胡椒花胶鸡炖汤，热辣辣，超足料，好鲜甜，有少少胡椒味，够晒暖胃，趁热饮就最正。🦆脆皮乳鸽(1只）最爱食乳鸽，细只得嚟又啖啖肉，一人一只刚刚好，乳鸽皮脆肉嫩，仲有肉汁，真系人间美食🥹🥬腊味崧扒时蔬份量好足，菠菜脆绿冇渣，个汁好浓稠，同菜捞匀，啖啖腊肠香味，唔错。🐟清蒸金花斑(1条）条鱼好新鲜，鱼肉嫩滑，蘸上蒸鱼豉油，鲜味升级。桂花糕，红豆椰汁糕两款都好食，唔太甜桂花糕清甜去腻，椰汁糕椰香味浓，忍唔住一啖就食咗。