囍宴

营业中

休息中

今日一家四口去左食大闸蟹宴，饱到要托住个肚走😂仲要食净好多野，要打包走，留返听晚再食。头盘有乳猪件同叉烧各两件，乳猪真系次次食都咁脆，肥瘦适中，保持到水准。叉烧好厚，不过厚得黎系劲(淋)，真系估佢唔到。竹笙露笋味道不错，冬菇鲍鱼都几大只，糯米饭整得好好食。元贝蒸得热辣辣，又大只，蒸既时间岩岩好，唔会老。瑶柱蟹肉羹同蟹粉小笼包本人觉得偏咸，要改善一下。大闸蟹系全晚主角，每人两公一乸，劲多膏，配埋花雕，值头无得顶。可惜眼阔肚窄，要打包几只回家明晚食临走前仲有细细粒，滑嘟嘟既汤丸，劲满足。