富城薈

营业中

休息中

又到蟹季😋每年得咁短时间可以食到膏蟹🥹。次次食两三只又食得唔过瘾。最好就系食大闸蟹放题，一次过食蟹食到饱🦀 旧年拣咗间日式火锅食大闸蟹放题，点知10只起码有三只系唔新鲜。今次专登拣间酒楼食✌🏻果然冇令我失望🫶🏻唔单止蟹新鲜，而且佢仲有三种口味可以选。分别系清蒸、盐焗、花雕蒸。三只口味我都试咗，其实三只都好食。钟意重口味小小嘅可以拣盐焗。一啲都唔食得腥嘅可以拣花雕蒸。钟意原汁原味嘅就拣清蒸。三只口味都好正😍 大闸蟹餐里便仲包咗每位一盅金汤小米会燕窝、蚝皇原只鲍鱼、蟹粉扒豆苗、回味榄角骨。呢个榄角骨系超级好味，我自己都几乎食咗一大碟。除此之外，点餐纸上所有嘅嘢都系任食。佢哋个金陵片皮鸭都好正。鸭皮脆香，肥瘦适中，点梅子酱包裹香葱。青瓜再加一层薄皮。一啲都唔腻。我自己都食咗一份。大概有八片😋其实食咗我以上讲嘅菜式，再食小小主食、凉菜、甜品、再饮少少饮品已经饱到郁唔到。