夏麵館 (寶石大廈) (已結業)

一年一度食大闸蟹嘅季节又到啦，梗系要尽情食番够本～今次就拣咗夏面馆，网络上评价真系唔多， 唯有自己亲自试下！仼食大闸蟹$518一位大闸蟹Size分别系公3.5两 / 乸 3两！酸辣汤， 炒菜，甜品系可以仼食！ 另外有几样嘢就有限量嘅～一坐低就会陆续上！蟹粉小笼包 (每位两个)镇江水晶肉拼虎皮素鹅&醉鸡或口水鸡&蟹粉拌面， 都系每两位一份！大闸蟹虽然唔系好大只但啲膏都好黏口，好满意！ 我哋每个人都起码食咗十只以上，上蟹嘅速度都唔算耐！酸辣汤好足料，酸度及辣度都啱啱好！乌金蟹粉拌面感觉几特别，墨鱼汁加手工面再配上蟹粉，口感丰富！甜品我哋叫左高力豆沙下，原来系即叫即整，入口非常松软！