富臨皇宮 (已結業)

🥰正值九月中旬，秋意渐浓，又嚟到一年间最适合食大闸蟹嘅季节，我哋就趁着得闲同屋企人一齐去位于土瓜湾嘅富临皇宫食大闸蟹！睇吓我哋食唔食得回本？介绍吓放题先，价钱方便到已经比其他大闸蟹放题便宜，最平$498一位就可以食到三种烹调方法嘅大闸蟹！而且小童仲有七折，而家OpenRice订座，仲有八三折㖭，真系好抵食呀！讲返啲蟹，三种烹调方法分别系清蒸，花雕蒸，同埋油盐焗。每一种都有佢哋嘅优点，花雕蒸除咗有螃蟹嘅鲜味仲会有轻微嘅花雕香，油盐焗都比较新奇，咸咸香香咁，油香比较丰富！但系我最欣赏嘅都系最朴实无华嘅清蒸，因为咁样先可以食到最原汁原味嘅大闸蟹！呢度嘅大闸蟹都比较大只，最重要嘅系佢嘅蟹膏非常丰富，全部都就嚟爆出嚟！一拆开个盖，就见到成块都金灿灿嘅蟹膏，真系好爽！除咗有大闸蟹之外，呢度仲提供好多精致名贵嘅食材，例如有非常足料嘅花胶炖汤，见唔见到块花胶成个碗咁大㗎！而且仲有屋企人最钟意食嘅鲍鱼，全部都好新鲜好大只！另外呢度嘅蟹粉豆苗都好好味，真系成带碟全部都系蟹粉，感觉蟹粉先系主角！不过最推介嘅都系无限量嘅片皮鸭，富临皇宫出品不嬲品质都好高。尤其是系片皮鸭嘅油脂非常丰富，但系又完全唔会油腻，皮同