日泰郎放題料理 (已結業)

依家放题既种类真系层出不穷😳睇黎常见既日式放题已经唔足以满足贪新鲜既香港人😼呢间放题除左日式泰式既野食之外，最近仲加埋大闸蟹放题🦀🦀🦀平日夜晚既2.5小时大闸蟹放题($338+10%)，即叫即蒸保证系热辣辣，如果唔系冻左就会腥架嘛😣蟹既质素都唔错，虽然冇多到膏，但几新鲜香甜，唔够喉咪食多几只搭救啰😼平时放题既食物当然都有啦，唔少得刺身同寿司！炸鸡软骨热辣辣好香口！泰式小食试左炸鱼饼、虾饼同泰式凤爪，都唔错㖞。仲有自制珍多冰。椰汁西米糕同榴连糯米糍，榴连有惊喜，都几香。