喜善中餐廳 (已結業)

约左系九龙湾做野的朋友食饭, 又唔去得远, 话不如试下九展里面那间喜善, 听闻都ok.结果我地一行三人就去左试下拉. 原来这段时间sell紧大闸蟹鱼翅餐.个餐都好丰富㖞, 每位有一只大闸蟹 (我估每只五両左右, 同埋好多膏添), 一碗蟹粉翅 (d 翅都几大碗几足料㖞), 同埋二至六位每人可以选择一款小菜, 结果我地拣左和风鲍鱼海蜇, 云吞鸡同花姿球. d小菜每碟都大大碟, 都好新鲜, 味道也不错呀. 以$460三个人这个价钱, 有咁多野食, 同埋这个质素, 真系好抵食.