東小館 (東匯坊)

营业中

休息中

虽然好唔得闲食嘢，朋友大赞东小馆大闸蟹，所以真系唔食唔得。去到东小馆，伙记服务至上，揾咗个靓位比我，立即叫个大闸蟹二人餐，首先到嘅系蟹粉小笼包，小笼包热辣辣皮薄蟹粉肉靓 。主角出场系两只蟹公，外观已靓，食落蟹肉够晒份量，而蟹后更系有好多靓膏，可以讲好正，确实系上等货。食完蟹，最贴心就系伙记立即送上姜茶，服务冇得顶。随后嘅小菜可以讲精美，菠萝咕噜肉皮脆肉嫩，可算最近几年所食嘅第一好。蟹粉虾球嘅蟹膏嫩滑加上虾球爽脆，真系无可挑剔，加上上汤时蔬，帮助一吓消化，最后嘅姜茶汤圆，真系完全满足。整体呢个餐就十分抵食，朋友大赞完全冇错，最后一句，好正值得一赞。