千房 (已結業)

大阪成日要排隊先有得食嘅千房大阪燒嚟左香港。所以去食返餐先，因為知道佢地大阪燒都係即叫即做，每份餐要起碼二十分鐘先整好，所以一坐低就落order要左個招牌菜-千房燒($108)，有蝦、豬肉丶牛肉同埋帶子，等左二十分鐘左右就已經上枱，成份放喺枱上面已經恒温預熱嘅鐵板上面，侍應表演高空加上沙律醬，另外有灑啲綠茶粉上去，我就自己再加埋鏗魚薄片，成件事變得又好睇又好食。跟著又叫左個甜品，有三球雪榚，加埋啲cream嚟食真係正吖。