楓 (已結業)

今次黎到呢间日式餐厅，特别系主推大阪烧同乌冬，最紧要有埋特式甜品😋去到餐厅都好多人，等咗一阵先有位，装修好有日式嘅风格，好适合打卡影相，餐厅系手机自助点餐，分类简单直接，非常方便📱章鱼大阪烧 + 蜂蜜柚子乌龙茶（$107）佢既大阪烧有三种口味，章鱼，虾，带子，咁我地就拣左最传统嘅章鱼，上菜速度都好快，order完好快就送到，佢个卖相好好，材料丰富， 加埋大量柴鱼，食落口感非常好，唔会有太多粉浆，最重要系佢嘅大阪烧汁唔会好浓，调味适中，食完唔会觉得太浓味，非常推介，而主餐送既嘢饮蜂蜜柚子乌龙茶，好适合食完大阪烧之后饮，够晒清爽既配搭👍🏻香煎虎虾蕃茄汤乌冬 + 芝麻豆乳（$97）第二个主食我地叫左乌冬，系蕃茄口味既，睇得出最汤底落左好多心思，蕃茄味浓郁，而且虎虾都系大大只，剥埋壳，好适合我呢d懒人，呢个餐既野饮，因为汤底比较清甜，我哋就选择咗浓味少少既芝麻豆乳，系豆乳上面加左非常之浓既芝麻糊，口味非常特别，好浓既芝麻香，但又唔会太甜🍤乳酪雪糕(自由配）（$58）我地见每枱客都叫左乳酪雪糕，我地梗系叫一杯试一试，佢既乳酪雪糕系自由配搭，好多特别嘅口味同埋配料，因为我地系开心果迷，所以就拣咗开