SAKImoto bakery 嵜本 高級Shokupan專門店 (海港城) (已結業)

日本得奖Shokupan，有两种面包嘅选择，极生同埋极美，极生系无蛋，用汤种及中种嘅制法，会加埋牛奶同埋蜂蜜，18小时低温发酵；而极美系无蛋无奶，用汤种制法。佢哋有15款日本直送手工果酱嘅选择，分咗三大类 - 水果果酱、牛奶果酱以及日式果酱。堂食可以拣3款果酱及1款牛油，佢会将个包切成九宫格，每一格都可以放唔同嘅果酱/牛油。我拣咗极生，面包外层微脆，口感软绵绵，非常松软，仲有淡淡既甜味。今次试咗极美Shokupan，配红宝石玫瑰红桑子酱、蓝宝石蓝莓酱、同埋开心果酱，红桑子酱同埋蓝莓酱系用真水果加埋香料配搭而成，仲见到粒粒嘅生果，食落去好香嘅果味，酸酸地，个人觉得配面包食好夹；而开心果酱系用淡路岛牛奶同埋北海道忌廉，在加入炼奶而成，食到淡淡的开心果香味，非常creamy，微甜。