川味王

营业中

休息中

突然间想食大陆风味嘅串烧，行过尖沙咀见到呢间个装修都几充满大陆味，仲要播埋啲大陆歌，完全系𠮶种味道。两个人食少少嘢，所以净系嗌咗啲串烧。佢个种类都算多。我哋叫咗啲鸡嘅种类多啲，不过全部嘢睇落去都比较干，可能呢度佢系炸完先至烧嘅关系，所以全部嘢都好干身。如果饮品方面佢会提供埋凉茶俾人拣嘅话咁就更加好啦。其中有一串烧厚牛舌，都真系几大块㗎。不过唔知咬落去就超级林，可能因为佢系卤完先至再烧嘅关系，所以好入味。另外只烧鸡全翼都可以一试，佢都系好林好入味，加埋啲辣粉都几惹味架。另外仲有一串烧墨鱼丸，佢拣咗台式𠮶啲花枝丸，所以食落去甜甜地，不过就唔系好弹牙𠮶一种。除咗串烧之外，我哋仲叫咗个清酒煮蚬。虽然餐牌上边系写住清酒煮花甲，但我估佢应该系冇货，同埋清酒都卖晒。所以嚟到嘅时候我食到系啤酒，因为佢多咗一阵小麦嘅味道。佢个份量都几多，不过有啲就有沙啰。最后甜品叫咗一个烧玉子，呢个真系几好食，不过如果唔系㶶咗嘅话会更加好。两个人食串烧都差唔多系咁嘅价钱，不过佢啲饮品就真系有啲贵，一包细嘅柠檬茶都已经要$12。