金田長壽司 (已結業)

近年最兴日式放题，爱吃日本菜的我同曾经光顾几家，但总觉得一分钱一分货，又唔太喜欢迫迫夹夹、限时限刻。又可能年纪渐长，胃口不大，于是对“大食抵件”说sayonara, 反之对质素就有啲要求。星期日晚行开尖沙咀，转入柯士甸道，见到原来都好有多食肆。因我同老公最爱日本菜，而仔仔最钟意食手卷，所以走咗入一间唔太起眼嘅“金田长”(后来上openrice先知咁多like)。可能我哋早，六点到，唔驶点等就可入坐。我哋order咗8吋长嘅寿司，我仔仔就叫咗客手卷，waitress问要大定细，我觉得好出奇，原来大size有成个珍宝雪糕筒咁大，我仔仔好兴奋，当食雪糕咁食，仲再来一个㖭！而我要讲吓系8吋长寿司实在值得一赞，皆因我爱鱼生，但总喜欢夹埋饭一齐食，又唔想旧饭太大旧，容易饱，所以呢个8吋嘅设计啱晒我。(我系咪太麻烦呢？)我哋仲有order其他热食，一般中上水评，三文鱼头就烧得唔错。最惊喜是临走时waitress送给我们一盒日本小食包做礼物，我个仔最开心！食物质素算唔错，服务员都好醒目。(呢个我觉得好重要) 不过餐厅就略嫌唔够光猛，而且要行一小段楼梯先到正门，比较隔涉，可说是大隐隐于巿！