黑木 (已結業)

平时食开寿司嘅Omakase 就食得多今日就同朋友嚟到依间低调嘅餐厅食串烧Omakase，因为佢哋系逐张逐串烧所以大家都预多啲少少时间过嚟呢间餐厅。我哋总共食咗10道菜有鳕鱼干、矶煮鲍鱼、烧牛舌、免治鸡肉酿冬菇、烧白鳗、烧鸡翼、烧牛肋肉、豚肉包莴笋、昆布白布乌冬、烧菠萝配红豆奶冻同绿茶蕨饼。咁多个菜式入边我就最欣赏佢哋以下呢几个，首先讲吓免治鸡肉酿冬菇食落Juicy呢个配搭冇得输配埋蛋汁一流！之后矶煮鲍鱼食落都几淋，有淡淡嘅鲍鱼味。仲有烧白鳗，呢个真系整得非常好食，烧到啱啱好外脆内嫩，调味一流！佢地嘅鹿儿岛豚肉包莴笋都好值得欣赏，估唔到佢地又几夹，仲好有心思系中间落左少少虾酱，带出左莴笋嘅甜。