Stacks (已結業)

今日晚饭过后就黎附近揾甜品食，行到半路醒起早前大只仔开左间SHOP卖曲奇雪糕三文治，咁就黎左呢边食。铺头唔难揾，系御前xx对面，地点都算方便就脚。因为10点3先黎到，已经有好多味都卖哂，最想试既枫糖烟肉都卖哂，剩反玫瑰花、云呢拿同埋曲奇怪兽，味道唔算特别，期望日后会多小小特别口味。最后拣左既配搭系：玫瑰花雪糕+榛子曲奇&红莓芝士+oreo曲奇配料。配料唔包，要另外每款+$2total要$55埋单，价钱唔算平，略贵。味道方面，玫瑰花雪糕味道清新，就算连曲奇食都唔会食唔到玫瑰味，唔错唔错曲奇系属于美式曲奇，会偏软带点烟un，红莓芝士好香口！但榛子味道唔太突出，反而红莓算有惊喜。店员会提反点样食系最好味，就系要连曲奇一齐咬，同埋最紧要既系，店员全程有手套，雪糕会有盖盖好，唔似出面既雪糕店咁比个样你睇，卫生都算好，抵赞不过下次路过见到岩口味都可能会再食一次，但就唔会特登走去买，一黎$55唔算平，二黎系同街应该有更好选择，但不妨一试既，始终味道都唔差！