金功夫點心

营业中

休息中

lunch 好耐無飲茶了，見有新野開咁試下啦，同上一手陳設差唔多，裝修擺位無乜執，不過就轉咗大集團經營。人都幾多，聲稱即叫即蒸都怕等得耐，不過還可以，最快嘅5mins 就有，最耐嘅係煲仔飯，20mins , 都可接受吧！《野菌上素餃》28第一個感覺係真係好精瑩通透😊，入面有冬菇，茶樹菇…，仲有葛，都幾豐富😚《黃金流心花枝球》28黃金換言之係炸，炸起都幾金黃😍，賣相唔錯，咬落去入面有酸酸嘅汁，食唔出咩味，不過整體ok嘅。《鮮菇雞粒煲仔飯》34無鮮菇，得豆角🙄，雞都幾多幾滑，不過個豉油唔太好味，煲仔飯個豉油好重要。茶位8蚊，另收加一，其實尖東區嚟講唔貴嘅，不過只收現金就唔方便😑。