A.O.C Eat&Drink (已結業)

如果唔系朋友介绍，都唔知湾仔有呢间隐世法式小店。转左入巷仔，行到最尾就别有洞天。餐厅半开放式，出面都有枱櫈，但呢日好大雨⋯ 坐入去听住音乐，望住外面大雨，都几有法式情调。店内大约有7张双人枱 (4张高枱)，同埋大约5个吧枱位，但都唔会坐得好迫。 叫左Veal Bone Marrow做头盘，Bone Marrow表面加上crumble烤得金黄香脆，加埋骨髓软嫩，加上香料同面包，啱啱好可以中和油腻感。 Duck Confit系另一种我好钟意既法国菜，但可能因为系功夫菜，要用鸭油浸住再低温烤焗10个钟。一切下鸭腿已经觉得无叫错，鸭皮够酥，鸭肉好冧，真系唔使用力，一撕就得，入口即化。由于鸭皮都有一定油脂，所以配埋红酒酱，同埋苹果、梨的酸味，可以清新一下味蕾。另外叫左Mussels，蚬肉够大粒，白酒忌廉加上少少thyme, 点薯条食超好味。 最后忍唔住叫左个甜品：Napolean。因为朋友唔甜野，本身都怕会食唔晒，不过个cream无死甜，有隐约的vanilla scent。最后都成个清晒！ 当晚都见到有几枱法国客人，厨师重会亲自出黎问佢地觉得食物如何，听到佢地用法文交谈，加埋法国菜，更有味道。