影片
更多
2022-08-10
26 浏览
落雨湿湿会令人心情变坏。好似乜都唔想做唔想理咁。木兰没有送我们一天假期，但带来了几天豪雨！做完facial 一离开美容院，又一场豪雨。本来想找间餐厅食个晚餐，都已经变得冇晒心情。想快啲返屋企。既然咁大雨，速递都唔会送啦唯有自己嗌外卖！就嚟到厚福街，我觉得系外卖嘅天堂。唔同种类款式嘅食物都应有尽有！而且价格都几实惠。见到有间串烧店，返去配个啤酒饮下都好㖞！叫咗一个二人套餐外卖要加多$5 ，价钱都几OK啊又有四款海鲜，有肉，最紧要系有烧茄子啊！！！烧茄子系食串烧不得不出现嘅~ 返去同爸爸一齐啤啤佢~ 大概等咗10几分钟呢食物就已经齐，拎得啦！觉得店员都几好，会话你听只茄子系生烧，所以真系要成20分钟。既然落雨都冇地方去咁就坐低等吓。佢哋用锡纸盒包装，我返到港岛区啲食物都仲系热辣辣嘅！赞！呢度连两罐饮品$380。茄子超级好食，舖上菜脯蒜蓉葱同辣椒仲要烧完都好湿润好好食。又大条！好食过屋企附近某某知名烧烤店！新鲜嘅烧蚝，同扇贝，扇贝上仲有好食嘅粉丝添。欣赏佢哋嘅海鲜都系可以保留到好多水份盐唔会好干。正！烧大虾真系好大只大过我只手~ 虾肉弹牙唔会干！佢哋嘅外卖呢都有啲心思㗎，摆位呢有谂过度过，大
做完facial 一离开美容院，又一场豪雨。本来想找间餐厅食个晚餐，都已经变得冇晒心情。想快啲返屋企。既然咁大雨，速递都唔会送啦唯有自己嗌外卖！
就嚟到厚福街，我觉得系外卖嘅天堂。唔同种类款式嘅食物都应有尽有！而且价格都几实惠。
见到有间串烧店，返去配个啤酒饮下都好㖞！叫咗一个二人套餐外卖要加多$5 ，价钱都几OK啊又有四款海鲜，有肉，最紧要系有烧茄子啊！！！烧茄子系食串烧不得不出现嘅~
返去同爸爸一齐啤啤佢~ 大概等咗10几分钟呢食物就已经齐，拎得啦！觉得店员都几好，会话你听只茄子系生烧，所以真系要成20分钟。既然落雨都冇地方去咁就坐低等吓。
佢哋用锡纸盒包装，我返到港岛区啲食物都仲系热辣辣嘅！赞！
呢度连两罐饮品$380。
茄子超级好食，舖上菜脯蒜蓉葱同辣椒仲要烧完都好湿润好好食。又大条！好食过屋企附近某某知名烧烤店！
新鲜嘅烧蚝，同扇贝，扇贝上仲有好食嘅粉丝添。欣赏佢哋嘅海鲜都系可以保留到好多水份盐唔会好干。正！
烧大虾真系好大只大过我只手~ 虾肉弹牙唔会干！
佢哋嘅外卖呢都有啲心思㗎，摆位呢有谂过度过，大家可以安心外卖返屋企慢慢食。唔会惊啲汁捞嚟捞去。
太耐冇食过台湾肠觉得呢个真系好好食，虽然系普通嘅台湾肠，但冇得去旅行之后变得格外珍贵
呢个份量呢二人食都有啲多，爸爸一路食一路话哗好抵食㖞！四个海鲜十串串烧仲有原条茄子，满足满足。下次要叫再辣啲先~
张贴
