寶琳為食喵 (已搬遷) 新店位置

我知我知，原句系大件夹抵食～认字特警可以抖吓先作为将军澳嘅街坊，时不时听闻宝琳为食喵好抵食，三十蚊就有大大份鸡脾饭连饮品，只鸡脾仲要成块面咁大，系咪真架？我一于带埋我朋友去食先！食饭果时已经夜晚九点，啱啱过晚饭时间，又未到宵夜，人流都无乜，去到就有位坐。宝琳街市唔似其他街市咁有熟食中心，所以好少台櫈，毕竟佢好多时都系做附近居民同学校嘅生命居多，如果系想堂食，繁忙时间就要留意吓啦。我同朋友都叫咗瑞士汁鸡脾饭配豆浆，望到只鸡脾终于明咩叫鸡脾大过块面，而且好多饭，好多色，我平时食开一碗饭，呢个饭大概碗半左右，食完真系劲饱如果系男仔，叫一份都够食啦！讲番只瑞士汁鸡脾，鸡肉非常嫩，唔似外面咁会煮到老；瑞士汁甜度适中，送饭一流，就算平时唔系大饭桶嘅我都会扒多几啖饭而且鸡脾煮得好入味，真系食过翻寻味架以前宝琳街市系穷人恩物，读书果时不时会去食，而家再番嚟，依然有抵食夹大件，仲好好食嘅选择，穷人依然有福呀！