影片
更多
2021-10-30
3878 浏览
上次4月食过汉和, 都讲过会迟啲再食, 近排天气凉番啲, 咁就去烧肉肉啦.今次12:15到, 居然咁啱坐番上次的卡位.食物饮品的款式冇变, 我地嘅选择都同上次差唔多, 一定要烧来食的有西冷牛, 牛肉, 牛脷, 红肠, 辣味鸡翼, 鸡肾和鱿鱼须, 熟食有炸三文鱼头腩, 猪脚姜, 碗仔翅, 每样都好好味, 一开始猪脚姜中的猪脚好快被人'笔'晒, 只剩番啲蛋, 但后来2点左右见到阿姐拎咗一盘猪脚出来补充. 不过炸三文鱼头腩被人拎晒就冇再补充, 后来就换成一盘咖喱鱼蛋.生果有西瓜和菠萝, 质素保持到.仲有系试咗一些上次冇食过的食品, 有人参鸡汤(唔好味), 咖喱鱼蛋(太淋一旧粉, 唔好食), 车厘茄(细细粒似樱桃, 好新鲜),豆腐花(加黄糖粉及姜糖水, 又热又滑劲好食), 雀巢雪糕(细细杯, 一般). 但亦冇再试一些上次食过而唔觉好味的猪大肠和猪腩片.今次食量比上次差咗少少, 14:50埋单走人. 价钱亦比上次贵咗10蚊, $138再加一, 每人$151.今次多谢家姐请我食呢餐迟来的生日饭.
今次12:15到, 居然咁啱坐番上次的卡位.
食物饮品的款式冇变, 我地嘅选择都同上次差唔多, 一定要烧来食的有西冷牛, 牛肉, 牛脷, 红肠, 辣味鸡翼, 鸡肾和鱿鱼须,
熟食有炸三文鱼头腩, 猪脚姜, 碗仔翅, 每样都好好味, 一开始猪脚姜中的猪脚好快被人'笔'晒, 只剩番啲蛋,
但后来2点左右见到阿姐拎咗一盘猪脚出来补充. 不过炸三文鱼头腩被人拎晒就冇再补充, 后来就换成一盘咖喱鱼蛋.
生果有西瓜和菠萝, 质素保持到.
仲有系试咗一些上次冇食过的食品, 有人参鸡汤(唔好味), 咖喱鱼蛋(太淋一旧粉, 唔好食), 车厘茄(细细粒似樱桃, 好新鲜),
豆腐花(加黄糖粉及姜糖水, 又热又滑劲好食), 雀巢雪糕(细细杯, 一般).
但亦冇再试一些上次食过而唔觉好味的猪大肠和猪腩片.
今次食量比上次差咗少少, 14:50埋单走人. 价钱亦比上次贵咗10蚊, $138再加一, 每人$151.
今次多谢家姐请我食呢餐迟来的生日饭.
题外话/补充资料：
睇食评话呢度好多外佣姐姐会在假日来帮衬,
上次唔觉, 但今次平日晏昼都见到好多外佣姐姐食客, 有4成咁多呢.
(以上食记乃用户个人意见 , 并不代表OpenRice之观点。)
张贴
