鳴橋燒肉料理 (已結業)

对上一次食放题，都唔太记得系几时噜～ 是日打算去旺角小米睇下，路过砵兰街，见到lee间好似新开唔系好耐嘅放题，揭一揭餐牌，又好似几好啵～ 忽然撩起我舖瘾😂 忍唔住行咗入去。餐厅不算很大，但具日本风情。餐桌分两边，座位都颇舒适。太耐冇食放题啦，一坐低即刻划嘢✌🏻种类与市面的相若。😂对面嘅小朋友食得好爽好尽兴嘅款，仲好食得～放题当然少不了刺身啦～ 甜虾，带子，北寄贝，🦑，鲍片，大虾，秋刀鱼，应有尽有，鲜甜可口，性价比高啊！肉类第一round，基本上都order咗一转。牛肋肉绝对不能错过～ 食羊嘅朋友，可以试下羊架，但略嫌黑椒腌得不均匀😅食放题，就算再抵食，都要量力而为，食几多order几多，千奇咪做大shai鬼啊 🤪天妇罗等炸物也值得一赞，炸粉颇薄，隔油做得还可以。甜🍠真系好甜！戒紧淀粉质嘅我都忍唔住encore🤦🏻‍♀️中华沙律同螺肉，最啱中场休息食，味道不过不失。Last order啦～ 😂 估唔到肠仔都系encore list之上呢！不得不提，鸡翼系单骨鸡翼，女士福音啊～ 食埋𠮶甜品，为满足嘅放题划上完美句号。