影片
更多
2015-08-07
567 浏览
约都无咁啱呢！本打自己一个人走上黎食个孤独点心餐就返屋企自闭，点知幸运地碰见美女朋友仔！约就约唔到架喇，坐低撑个枱脚啦！全肉点心蒸饭餐啱晒我，但多左位美女就叫个菜食啦！我一个人都食一盅饭五个点心啦，今次两个人点心加蒸饭同炖汤只系十样之麻，哈哈！晓厨荷香糯米鸡，哗！巨人版多料到您唔信，大大旧叉烧、大大旧鸡柳、大量蚝汁肉松、少少咸蛋黄。唔好睇少𠮶少少咸蛋黄，令整个糯米鸡生色不少，颜色更丰富、香味更精彩、味道更多样化。清香荷叶味道已完全渗入糯米饭当中，咽韧饱满糯米饭黏黏的，搭上每款不同既配料，系齿缝间奏出不同悦耳既乐章！太美味，食到干干净净，刮到荷叶都差不多烂喇！农家煎蛋牛肉饭，细心地可拣太阳蛋或全熟蛋，连窝蛋都可以，赞赞赞。因为饭同𩠌都填得饭盅满满的，虽然晓厨无油纸供应，不过可以分落碗仔将鸡蛋牛肉豉油捞得更均匀。流心蛋酱甘香无比，包裹著弹牙牛肉同香饭不停输送入口，牛肉带柠檬叶诱人既味道，彼此打得火热，正！蒜香鲜虾长春卷，新奇长长既春卷非常夺目出众，一望就想试试，咩料呀？从来未食过超级浓厚蒜香味，比一般蒜香春卷浓一倍呢！配上酸甜喼汁，意外地十分合拍，蒜香更突出，甜酸味可减去油腻感，炸得金黄卜
约都无咁啱呢！本打自己一个人走上黎食个孤独点心餐就返屋企自闭，点知幸运地碰见美女朋友仔！约就约唔到架喇，坐低撑个枱脚啦！全肉点心蒸饭餐啱晒我，但多左位美女就叫个菜食啦！我一个人都食一盅饭五个点心啦，今次两个人点心加蒸饭同炖汤只系十样之麻，哈哈！
晓厨荷香糯米鸡，哗！巨人版多料到您唔信，大大旧叉烧、大大旧鸡柳、大量蚝汁肉松、少少咸蛋黄。唔好睇少𠮶少少咸蛋黄，令整个糯米鸡生色不少，颜色更丰富、香味更精彩、味道更多样化。清香荷叶味道已完全渗入糯米饭当中，咽韧饱满糯米饭黏黏的，搭上每款不同既配料，系齿缝间奏出不同悦耳既乐章！太美味，食到干干净净，刮到荷叶都差不多烂喇！
农家煎蛋牛肉饭，细心地可拣太阳蛋或全熟蛋，连窝蛋都可以，赞赞赞。因为饭同𩠌都填得饭盅满满的，虽然晓厨无油纸供应，不过可以分落碗仔将鸡蛋牛肉豉油捞得更均匀。流心蛋酱甘香无比，包裹著弹牙牛肉同香饭不停输送入口，牛肉带柠檬叶诱人既味道，彼此打得火热，正！
蒜香鲜虾长春卷，新奇长长既春卷非常夺目出众，一望就想试试，咩料呀？从来未食过超级浓厚蒜香味，比一般蒜香春卷浓一倍呢！配上酸甜喼汁，意外地十分合拍，蒜香更突出，甜酸味可减去油腻感，炸得金黄卜卜脆，夹杂著爽口鲜虾，very nice！
豉椒蒸排骨，半肥瘦、肉多骨少、香甜味美味、juicy 有咬口，赢晒啦！虽然未及大埔林记同新明发，不过已经好高水平喇。
豉汁蒸凤爪，损脚指我一向麻麻地，不过美女好喜欢，我就舍命陪君子啦！豉汁酱油味浓厚而甜甜的，紧紧黏住整只凤爪，芡汁薄返少少更好，凤爪炆得够腍，一啜甩骨。
水晶虾饺，即叫即蒸诚意可加！新鲜出炉无得输，热辣辣香喷喷，虾鲜又爽又美味，饺皮滑而弹，正正正！
黑松露酱烧卖，依家无左蟹籽烧卖喇？无紧要，最钟意试新野！猪肉味香浓，结实弹牙多肉汁，而且仲渗出淡淡黑松露清香味道，好味啊！
砵仔咖哩鱿鱼，够晒香浓又好鬼惹味！依个咖哩就算捞饭都唔会失礼呀，鱿鱼超级爽口，一碟两个分唔够喉添，好事成双叫多碟。
蒜蓉炒菜芯，一大轮搏斗后可以小休片刻，食个清甜炒菜先。菜叶鲜嫩多汁，充满水份，爽到索索声，加埋炸蒜就更加香口啦。
党参淮山花胶炖鸡汤，花胶呀！胶质已完全溶入汤汁之中，好爽口！特浓鸡汤，汤汁胶口带党参甘味加淮山甜味，火喉十足又够晒补，饮完兴㷫㷫！
张贴
