北海道食堂 (已結業)

台风过后，谂住食番餐好，见之前屋企人介绍过哩间野唔错打算去食。去到现场既时候都要等20，30张飞，但已经系两点几既时候。咁入座既时候就尝试左佢地既极上放题，眼见餐厅内都颇为多人 中，心谂食物嘅质素应该唔错挂？但真系恕我谂太多。首先，餐牌主要分为：刺身、串烧、铁板、天妇罗同一啲沙律，仲有熟食。喺刺身方面，鱼生刀功非常差，时厚时薄，连角切都敢同我讲系一件。落单数量永远同现实数量不符。加洲卷细件过擦子胶，连铺满少少鱼子都做唔到。葱吞手卷个pat酱细过手指甲，寒酸到呢⋯其次，串烧真系该店最大嘅败笔，所有腩肉柴到练紧牙力咁。更不得不提佢嘅牛舌，唔明点样佢可以做到每串第一旧正常，第二旧韧过橡筋既效果， 叫咗三串，三串都系同一样效果。铁板方面，得广岛蚝稍为系正常少少，其他都真系一般，火候控制得极差，质素非常参差。天妇罗同沙律好简单：冇咗影。直到last order系嘅时候先识得俾返两碟接我哋，又厚粉，又好大浸油味。$258人头，可以有大把选择，请大家三思。