影片
更多
2021-10-15
2252 浏览
最近返新工想庆祝一下🎊，讲好咗要请屋企人食大餐，顺道多谢佢哋一直嘅支持❤️！之前入住过The Harbourview，对「湾景厅」食物出品有信心💪🏻，适逢主题系「鲜蚝．虎虾」自助晚餐，啱晒钟意食海鲜嘅屋企人~.餐厅搜罗鲜甜广岛蚝、肥美本地蚝同爽嫩越南虎虾🌊，配合专业烹煮技巧，打造出秋季极上滋味，真系睇到精选主题菜式都食指大动☝🏻。.顺带一提，自助餐由18:30至21:30食足三个钟🕒，大部分客人都早少少到达，假日晚上都坐无虚席，建议大家想食要预早订位啦💁🏻♀️~————————————————👅 「鲜蚝．虎虾」自助晚餐（成人$598/位）🔸冰镇海鲜类：⭐️面包蟹呢只蟹真系有块面咁大🦀，最夸张系蟹壳藏住满满嘅甘香蟹膏，蟹身都有唔少蟹肉。因为超抢手，记得一开波就要去夹啦！⭐️新西兰生蚝厨师会将喺厨房即开生蚝整齐排列系碎冰，减生咗排队时间又可以拎几多都得🦪，蚝肉饱满光泽，海水味适中⭐️鲜虾、鲜蚬、蓝青口及东风螺其他海鲜都有鲜味，特别系虾肉有弹性🦐，鲜蚬颇鲜甜味.🔸刺身类：⭐️三文鱼、北海道带子及甜虾呢三样系我最爱，质素亦真系几好🍣，该有嘅鲜甜同软嫩都有，有啲后悔无食多件⭐️ 鲷鱼、希灵鱼及吞拿鱼鱼肉结实
.
餐厅搜罗鲜甜广岛蚝、肥美本地蚝同爽嫩越南虎虾🌊，配合专业烹煮技巧，打造出秋季极上滋味，真系睇到精选主题菜式都食指大动☝🏻。
.
顺带一提，自助餐由18:30至21:30食足三个钟🕒，大部分客人都早少少到达，假日晚上都坐无虚席，建议大家想食要预早订位啦💁🏻♀️~
————————————————
👅 「鲜蚝．虎虾」自助晚餐（成人$598/位）
🔸冰镇海鲜类：
⭐️面包蟹
呢只蟹真系有块面咁大🦀，最夸张系蟹壳藏住满满嘅甘香蟹膏，蟹身都有唔少蟹肉。因为超抢手，记得一开波就要去夹啦！
⭐️新西兰生蚝
厨师会将喺厨房即开生蚝整齐排列系碎冰，减生咗排队时间又可以拎几多都得🦪，蚝肉饱满光泽，海水味适中
⭐️鲜虾、鲜蚬、蓝青口及东风螺
其他海鲜都有鲜味，特别系虾肉有弹性🦐，鲜蚬颇鲜甜味
.
🔸刺身类：
⭐️三文鱼、北海道带子及甜虾
呢三样系我最爱，质素亦真系几好🍣，该有嘅鲜甜同软嫩都有，有啲后悔无食多件
⭐️ 鲷鱼、希灵鱼及吞拿鱼
鱼肉结实新鲜，完全无最怕嘅鱼腥味同希灵鱼醋酸味🙅🏻♀️
⭐️八爪鱼及北寄贝
两款都系爽脆爽口口感，不腥且无渣🙆🏻♀️，嚼起有淡淡清甜
.
🔸前菜类：
⭐️牛油果虎虾米纸卷
原只虎虾几抢眼，米纸卷清新开胃🥑
⭐️香脆羽衣甘蓝虎虾沙律
炸羽衣甘蓝好似紫菜一样香口🥬，大只虎虾够爽弹
👍🏻巴马臣火腿配哈蜜瓜
味道咸香甜蜜，哈蜜瓜几多汁😋
👍🏻烟三文鱼
排列得整整齐齐，丝滑柔顺的油花口感🐟，烟熏风味十足
🔸精选美馔：
⭐️芝士味噌蟹膏焗广岛蚝
巧妙利用日式调味手法🇯🇵，比常见芝士焗蚝更出众，焗到金黄色嘅芝士面真系令人难以抗拒
⭐️酥炸蚝仔盏
迷你版嘅炸蚝饼，炸衣非常酥脆🥢，一人size可以留返个肚试多啲食物
⭐️北京片皮鸭
师傅喺客人面前即切片皮鸭🦆，鸭皮油亮松脆，鸭肉肉香充足
⭐️金沙虎虾
虾身裹满厚厚金沙🌅，一口咬下尽是咸蛋黄香
👍🏻牛扒及羊架
牛扒保持到粉嫩颜色，牛味颇浓🐮。羊架羊骚味轻薄，厚度均一适中，啖啖肉又有少少脂肪，即煎热辣辣更好味
👍🏻即煎鸭肝
每晚7时半起系煎羊架摊档供应，又系大排长龙嘅人气美食，每次可以拎两小件🦆，由于鸭肝油脂丰厚，浅尝过下口瘾就够
⭐️牛肝菌鲜蚝忌廉汤
经过蚝肉加持，牛肝菌香气更浓郁🍄
⭐️ 龙虾汁虎虾意大利饭
龙虾味扑鼻而来🦞，每粒米饭都吸满汤汁
⭐️樱花虾鲜蚝翠塘豆腐
蒸蛋白加入大海鲜味💧，清香鲜甜
.
🔸甜品饮品类：
⭐️菠萝椰子慕丝蛋糕
白色椰子慕丝有淡淡椰香🥥，惊喜位在于饼底上有煮软嘅菠萝肉，层次更丰富
⭐️白朱古力玫瑰慕丝
芳香玫瑰配上唔太甜嘅白朱古力🌹，少女风甜点
⭐️朱古力坚果心太软
每晚8时起于甜品专区供应，一够钟厨师就会响铃铛🔔，立即就会有长长人龙等坚系流心嘅心太软，苦甜朱古力同坚果粒，小小一杯份量恰好，不过都忍唔住食咗两杯仔🤫
👍🏻MÕVENPICK雪糕甜品区最受欢迎当然系MÕVENPICK🍨，8款口味都经典美味，饭后点少得每款一球，亦都可以学J先生咁当开胃菜嘅🤣，推荐配热辣辣嘅窝夫/心太软一齐食！
👍🏻四层朱古力喷泉
望到流动嘅朱古力️ ⛲，就忍唔住手整朱古力棉花糖，最适合氹大小朋友开心
👍🏻法式焦糖炖蛋
私心推荐，焦糖片仍有脆度，脆杏仁片又加啲果仁香，同滑嫩炖蛋形成反差嘅美味🆚
👍🏻自助饮品吧
提供冰凉汽水、橙汁及茶啡☕️，食到饱饱地当然要饮番杯热茶解腻
————————————————
🚩总结：大饱口福嘅家庭聚餐之选👨👩👧👦
————————————————
🌟注意：自助晚餐由晚上6:30至9:30供应，以上免付加一优惠价优惠期有限
————————————————
📍 湾景厅
地址：湾仔港湾道4号湾景国际1楼
.
🗺地区：#bem湾仔
📥分类：#bem自助餐
💰人均消费：#bem_401至800蚊
张贴
