夢の丼 (已結業)

今日发现原来土瓜湾有间唔错嘅日本餐厅，餐厅嘅装修以木系为主，日式嘅外墙，简约嘅设计充满日本风格。打开餐牌，餐牌上有林林总总嘅食物如刺身、寿司、卷物、酒肴、天妇罗、烧物及甜品，而主打就系唔同嘅丼饭。今次嗌咗蟹皇酱烧蟹膏豆腐、深海池鱼刺身、法国生蚝、慢煮鲍鱼配肝酱、左口鱼边寿司、梦之丼同花锦鱼生丼。落单后，店员就会送上面豉汤同沙律，面豉汤好足料，沙律菜好新鲜。蟹皇酱烧蟹膏豆腐豆腐入口细滑，蟹膏味道浓郁，好似食紧大啖蟹膏咁，口感好rich，齿颊留香，有惊喜嘅菜式！推介！深海池鱼刺身、法国生蚝厚切深海池鱼刺身，肉质肥美口感爽脆。法国生蚝略嫌唔够肥，但蚝味香浓，口感唔系好creamy。慢煮鲍鱼配肝酱鲍鱼切片，薄薄嘅一槐，连埋肝酱嚟食味道更浓。右口鱼边寿司鱼肉炙烧过，鱼香味浓郁，油脂丰腴，食落细腻，令人回味。梦之丼店员建议先饮一啖橙醋，再食丼饭，呢𠮶配搭可以令鱼生嘅鲜味突出。丼饭卖相吸引，大大只牡丹虾、帆立贝配搭三文鱼蓉、三文鱼子、吞拿鱼蓉、松叶蟹、右口鱼边，用料丰富，加埋一齐嚟食真系好味！花锦鱼生丼升级版嘅角切鱼生丼，十几款刺身配料，当中有三文鱼、白身鱼、赤虾、右口鱼边、金蟹子、三文鱼子、樱花虾