鹵家

营业中

休息中

今日中午放饭试呢间卤家，睇个名以为主打卤水野呢，唔系㖞，又有烧味又有d茶餐厅碟头饭咁，一于入去试试先。睇完餐牌，试下个梅子脆烧鸭同个自家太阳煎鸡排饭先，我地都系跟个老火汤，佢标榜无味精，一于试下。先黎个汤先，我地系第1批客人，呢碗真系叫头啖汤，首先真系饮得出无味精，但我觉得再甜d会好饮d。梅子脆烧鸭，梅子系指梅子酱，呢度用既酸梅酱唔同出面一般烧味档果d，个梅子酱应该系自己调既，几特别，梅子味都几重，脆烧鸭就唔脆，似卤过咁好腍身，鸭肉好入味，今日食到系鸭胸位，师父仲片埋肉摆盘好靓，味道系唔错但就唔似平时食烧鸭果种香口既感觉，饭煮得几好软硬适中。自家太阳煎鸡排饭，太阳即系太阳蛋，个鸡排卖相好靓，不过食落又系好似卤过咁，无左果种香口既感觉，唔怪得叫卤家，味道都系唔错既。