影片
更多
2016-07-12
754 浏览
旧朋友相聚佢拣左去食明太子料理, 我以前只系食过明太子饭团, 对明太子可以讲系完全唔熟悉, 不过因为唔好意思拒绝朋友, 所以抱住对今餐无乜期望, 一心念住只系食2个饭团, 纯粹为左见下面倾计就算。餐厅地点好易揾, 铜锣湾MTR一出转左行2分钟就己经见到幢商业大厦... 嘻, 餐厅名好特别, 餐厅装修好简约, 红色椅子配木枱, 简单得黎好舒服!!望望餐牌原来有好多选择, 但我都唔太识点菜, 食物就由朋友发板, 我就拣饮品啦。 哗~ 一眼就望到 $58 任选3款SAKE, 好抵啊!!! 岩晒我呢D贪心之人, 每款SAKE送上枱时仲会好细心, 附上一张细卡纸, 介绍每款日本清酒既特色, 同埋配乜野食物系最夹, 太细心啦!!其中一款酒佢话同呢个牛油果吞拿鱼刺身沙律好夹, 系咪好夹我唔识分, 但呢个沙律少少辣辣地, 吞拿鱼刺身好新鲜, 配埋牛油果口感非常好之外, 辣辣地仲好开胃, 份量唔系好多, 做前菜就岩晒喇。餐牌写上专业厨师精心泡制, 一级推介, 所以我点左今餐唯一的一款食物就系呢碟酱烧银鳕鱼, 果然无令我失望, 银鳕鱼煎得好香, 皮脆肉嫩, 咬落口仲食到银鳕鱼独有既鱼油香, 吱少少柠檬汁更
旧朋友相聚佢拣左去食明太子料理, 我以前只系食过明太子饭团, 对明太子可以讲系完全唔熟悉, 不过因为唔好意思拒绝朋友, 所以抱住对今餐无乜期望, 一心念住只系食2个饭团, 纯粹为左见下面倾计就算。餐厅地点好易揾, 铜锣湾MTR一出转左行2分钟就己经见到幢商业大厦... 嘻, 餐厅名好特别, 餐厅装修好简约, 红色椅子配木枱, 简单得黎好舒服!!
望望餐牌原来有好多选择, 但我都唔太识点菜, 食物就由朋友发板, 我就拣饮品啦。 哗~ 一眼就望到 $58 任选3款SAKE, 好抵啊!!! 岩晒我呢D贪心之人, 每款SAKE送上枱时仲会好细心, 附上一张细卡纸, 介绍每款日本清酒既特色, 同埋配乜野食物系最夹, 太细心啦!!
其中一款酒佢话同呢个牛油果吞拿鱼刺身沙律好夹, 系咪好夹我唔识分, 但呢个沙律少少辣辣地, 吞拿鱼刺身好新鲜, 配埋牛油果口感非常好之外, 辣辣地仲好开胃, 份量唔系好多, 做前菜就岩晒喇。
餐牌写上专业厨师精心泡制, 一级推介, 所以我点左今餐唯一的一款食物就系呢碟酱烧银鳕鱼, 果然无令我失望, 银鳕鱼煎得好香, 皮脆肉嫩, 咬落口仲食到银鳕鱼独有既鱼油香, 吱少少柠檬汁更加惹味, 唯独我觉得如果有埋沙律酱就会更好啦, 不过可能咁食法会港式D, 哈 ^^
今晚的主菜来啦~ 明太子刺身2食, 有明太子刺身 及 烧明太子, 我忍唔住问下店员明太子其实系乜东东, 先知原来明太子系鳕鱼的卵子, 哦....唔怪得餐厅名叫鳕卵屋啦!! HAHAAA...SORRY请见谅我见识少 ^0^讲反呢碟明太子2 食啦, 刺身咬落口较淋身, 好似食紧鱼春咁, 我初时仲怕会好腥, 原来明太子系完全无腥味架, 餐厅将明太子特别制作过, 咸咸地又有少少辣, 我觉得加少少柠檬汁, 味道会更为突出。
我个人就比较钟意食烧明太子, 烧到外皮少少脆身, 入面一粒粒软淋淋的明太子, 口感好特别, 烧明太子较刺身咸少少, 所以我觉得配白饭食一流, 真系好好味。
食完头先个刺身先知原来明太子系咁好食, 真系好惊喜, 再来明太子蛋卷, 好似日本玉子烧, 但入面加入左明太子, 蛋卷加上葱花蛋味更香, 配埋少少咸味的明太子, 我足足送左半碗白饭来一齐食, 好正啊 ^^
一夹开块蛋卷, 明太子爆出, 证明绝对足料, 非常精彩!!
送饭又点止一份蛋卷, 仲有香葱明太子铁板豚肉, 豚肉肉质鲜嫩, 咬落己经好多肉汁, 配上明太子令味道更加浓郁。
餐牌上食物价钱中等, 差不多每样食物都系几十蚊左右, 因为朋友收工收得夜, 10PM后仲有个超抵套餐定食可以选, 每份定食必有白饭, 汤 及日式蒸蛋, 另外可以任选3款食物都系 $120, 我地拣左明太子三文鱼刺身, 好新鲜, 三文子好肥美, 明太子配三文鱼原来咁夹, 好开胃好好味!! 另外明太子捞冷稻庭乌东, 系真正的日本幼身稻庭乌东, 好滑好有口感, 同埋明太子烧鸡亦都好入味, 一只切开2条, 系比较容易食不过得3条份量就少左DD。
餐厅仲有好多明太子食物同配料原来可以买走回家慢慢试, 我见唔系咁贵, 都忍唔住买左2包小食回家比老公试试。总括今次明太子料理真系令我非常惊喜, 原来明太子可以有咁多食法, 仲要咁好味, 真系要多谢朋友带我来, 下次食日本料理唔洗只系念起食刺身寿司, 原来明太子料理都可以咁精彩, 下次要再来试下其他明太子食物先 ^^张贴
