影片
更多
2015-08-21
2103 浏览
对于荃湾众安街大鸿辉中心，我实在是又爱又恨！爱，当然是喜欢那里有众多食肆选择，恨，也因为太多食肆，排队坐劲嘥时间。不过，总括来说，在大鸿辉「揾食」，始终是我和朋友的首选，尤其是劲喜欢食鸡煲的男友，食完鸡煲还可以打边炉，比斋打边炉又多一重风味。大鸿辉中心内主打鸡煲和打边炉的都有好多间，但讲抵食，我想唔会有边间抵得过8楼至尊重庆鸡煲，因为食鸡煲+打边炉之外，仲有无限头盘，任食，每位都系百零蚊，兼冇加一，汽水啤酒任饮两个钟，非繁忙时段仲平些，唔系抵到冇朋友，应该系抵到约齐朋友！至尊主打重庆麻辣鸡煲，因为入座即煮，人客点都要等等。人客一多，又需要多啲时间，所以至尊有张小食吧枱，放了很多不同风味的小食，有辣有唔辣，有酸有咸。其中，我发现有一味关东煮珍宝冬菇，超大只，但最难得的是，只菇超好味，好有冬菇味。如今好少食到有菇味的冬菇了，仲要咁大只！不过，事先提提你，好食还好食，最好「些牙」，唔系一只菇食饱了，食唔落其他野唔好怪人，任食㖞！鸡煲出场了，一贯浓味啦，只鸡都算有鸡味，算唔错了。食完鸡煲，梗系要点花胶同水鱿索埋啲汁啦，尤其是花胶养颜有益，唔食唔抵。其实我唔食得好多，反而男友狂食肥牛和黑豚腩片
大鸿辉中心内主打鸡煲和打边炉的都有好多间，但讲抵食，我想唔会有边间抵得过8楼至尊重庆鸡煲，因为食鸡煲+打边炉之外，仲有无限头盘，任食，每位都系百零蚊，兼冇加一，汽水啤酒任饮两个钟，非繁忙时段仲平些，唔系抵到冇朋友，应该系抵到约齐朋友！
至尊主打重庆麻辣鸡煲，因为入座即煮，人客点都要等等。人客一多，又需要多啲时间，所以至尊有张小食吧枱，放了很多不同风味的小食，有辣有唔辣，有酸有咸。其中，我发现有一味关东煮珍宝冬菇，超大只，但最难得的是，只菇超好味，好有冬菇味。如今好少食到有菇味的冬菇了，仲要咁大只！不过，事先提提你，好食还好食，最好「些牙」，唔系一只菇食饱了，食唔落其他野唔好怪人，任食㖞！
鸡煲出场了，一贯浓味啦，只鸡都算有鸡味，算唔错了。食完鸡煲，梗系要点花胶同水鱿索埋啲汁啦，尤其是花胶养颜有益，唔食唔抵。其实我唔食得好多，反而男友狂食肥牛和黑豚腩片，不知几滋味。我check一下那张任点任食的火㶽料清单，都好齐料，成七十样，全部试下实在冇可能，而且我仲揾到惊喜亮点，一定要留留肚。
令我惊喜者，就是小食吧枱旁边的甜品吧。是晚所见，甜品种类约有十种，除大路的雪糕，其余均是酒店式甜品。我点了香蕉pan cake，最意外的是即叫即造(满记、松记都唔得啦)，士多啤梨或朱古力酱任选，还洒上脆脆粟米片，增加味蕾刺激，实在是惊喜中的惊喜！由于是一人一份甜品，我舍肉取甜，故食埋男友的quota，一于再来一份香橙奶冻。奶冻又滑又香，吃得满咀香甜，全无欺场，难忘！
尝过的两款甜品果然是酒店自助餐水准，食得我特别满足，可惜险些破坏了keep fit大计，回家必须最少做一个钟运动还甜品债。故提提去大鸿辉至尊重庆鸡煲的女士们，切记甜品虽有惊喜，但这是极之危险的事，要有心理准备才好。结账时，还听侍应说就快有五送一的优惠，如此抵食，怎可不速速「些牙」！
题外话/补充资料：
好似仲有五送一优惠，咁就仲抵食喇！
(以上食记乃用户个人意见 , 并不代表OpenRice之观点。)
张贴