影片
更多
2024-03-06
2296 浏览
要系将军澳区揾食，宝琳站可算为代表，接驳住嘅大商场内有多种唔同种类嘅餐厅，总会揾到岩食嘅。想食中菜咩? 可以黎呢间。多款餐前小食中，睇中呢客沙姜猪手粒 ($68)斩至一口份量容易食，甜酸酱汁加埋沙姜香味好惹人胃口，入口爽脆，正。出街食饭能够有啖炖汤饮下都几好，见到呢盅花胶螺头爵士汤都只系$48，材料丰富。入口热度十足，有齐花胶，螺头及鸡脚，味道鲜甜，饮完都无口渴。要选最家常菜式，菜芯炒牛肉绝对系头几位，但呢度嘅系选用安格斯牛肉 ($138)。以菜芯做底，入口无渣同唔苦; 牛肉够大块，松软得黎又带点嚼口，用黎送饭好岩数。呢客熟成脆皮烧鸡 (半只/$118)，出镜率都几高，半只份量相当有睇头。有埋个烧鸡汁点食，鸡皮下无咩脂肪，炸至金黄色又香脆，就算系鸡胸位，肉质都唔会嚡干，连皮食会食到鸡油嘅香味。系门口望到呢个”年年有鱼”牌，大大只字写住每条$18，无睇错，真系$18。由于只限晚市供应，每晚数量有限，落单时问仲有无，幸运地仲有，即刻落一条啦。原条清蒸蝴蝶龙趸斑，约1斤重 ($18)，卖相绝不将货就价。大量葱丝配上蒸鱼豉油，鱼肉轻易骨肉分离，嫩滑程度可接受，咁嘅价钱绝对超值。呢度出品味道唔错
多款餐前小食中，睇中呢客沙姜猪手粒 ($68)
斩至一口份量容易食，甜酸酱汁加埋沙姜香味好惹人胃口，入口爽脆，正。
出街食饭能够有啖炖汤饮下都几好，见到呢盅花胶螺头爵士汤都只系$48，材料丰富。
入口热度十足，有齐花胶，螺头及鸡脚，味道鲜甜，饮完都无口渴。
要选最家常菜式，菜芯炒牛肉绝对系头几位，但呢度嘅系选用安格斯牛肉 ($138)。
以菜芯做底，入口无渣同唔苦; 牛肉够大块，松软得黎又带点嚼口，用黎送饭好岩数。
呢客熟成脆皮烧鸡 (半只/$118)，出镜率都几高，半只份量相当有睇头。
有埋个烧鸡汁点食，鸡皮下无咩脂肪，炸至金黄色又香脆，就算系鸡胸位，肉质都唔会嚡干，连皮食会食到鸡油嘅香味。
系门口望到呢个”年年有鱼”牌，大大只字写住每条$18，无睇错，真系$18。
由于只限晚市供应，每晚数量有限，落单时问仲有无，幸运地仲有，即刻落一条啦。原条清蒸蝴蝶龙趸斑，约1斤重 ($18)，卖相绝不将货就价。
大量葱丝配上蒸鱼豉油，鱼肉轻易骨肉分离，嫩滑程度可接受，咁嘅价钱绝对超值。
呢度出品味道唔错之余仲够晒大碟，下次可以叫多几个朋友再黎开餐先。
张贴
